2021-ж. 6-сентябрында Соода-өнөр жай палатасынын биринчи вице-президенти Касымов Р.П. “ШКУнун алкагында COVID-19 пандемиясынын шарттарында миграциялык процесстердин дүйнөгө чакырыктары: көйгөйлөр жана мүмкүнчүлүктөр” аттуу эл аралык конференцияга катышты.

Иш-чара Шанхай кызматташтык уюмунун (ШКУ) Ишкердүүлүк кеңешинин Бизнес Форумунун алкагында Душанбе шаарында онлайн режиминде өттү.

Конференцияга мүчө-мамлекеттердин миграция боюнча ведомстволорунун башчылары, Соода-өнөр жай палаталарынын жетекчилери жана эл аралык уюмдардын өкүлдөрү катышты.

Жолугушуунун жүрүшүндө миграциялык процесстердин аспектисинде коронавирус пандемиясынын шарттарында чакырыктар, аларды чечүүнүн жолдору жана бул багыттагы андан аркы иш-аракеттер талкууланды.