КРнын Соода-өнөр жай палатасынын «Кыргызэкспоборборунун» башчысы А.В. Савицкийдин айтымында, 2 миң чарчы метрге барабар жыл сайынкы экспозициянын аянты катышуучулар тараптан толук ээленди.

Иш-чара Бишкекте 2021-жылдын 10-ноябрынан 14-ноябрына чейин “Аю Гранд” СБда өтөт.

Көргөзмөнүн программасы бай болушу күтүлүүдө – анын алкагында ар кандай тематика боюнча бир катар адистешкен экспозициялар уюштурулат: “Агропродэкспо 2021”, “Туризм, спорт, эс алуу 2021”, “Эмерек 2021”, “Бал өндүрүмү 2021”.
Андан тышкары, көргөзмөгө удаа эле 16-ноябрдан 21-ноябрга чейин “Алтын күз” элдик колдонуудагы товарлар жарманкеси өтүп, меймандар жаккан продукцияны өндүрүүчүлөрдөн түздөн-түз базар баасынан төмөн сатып алууга мүмкүнчүлүк алат.

А.В. Савицкий кошумчалагандай, коронавирус пандемиясынын натыйжасында кыйынчылык тарткан бизнести колдоо максатында, быйыл көргөзмөгө катышуу баасы төмөндөтүлдү.

Иш-чара Бишкек ш. мэриясы, Чүй облусундагы Президенттин ыйгарымдуу өкүлүнүн аппараты жана Айыл чарба министрлиги менен биргеликте уюштурулууда.

Меймандарга кирүү акысыз.