Онлайн форматындагы жолугушуу ушул жылдын 24-ноябрында болуп, виртуалдуу аянтчада 12 ата мекендик жана 6 нидерланддык компанияларды чогултту. Жалпысынан 30 жолугушуу өттү, - дешет BOOST долбоорунун өкүлдөрү.

Белгилей кетчү нерсе, чет элдик ишкерлер Кыргызстандан кургатылган мөмө-жемиштерди жана жаңгактарды импорттоого кызыктар. Өз тарабынан кыргызстандыктар Нидерландга жылына 400 тоннага чейин ар кандай продукцияларды жөнөтүүгө даярдыгын билдиришти. Учурда алар Түркия, Россия жана Европанын айрым мамлекеттерине өндүрүм ташууда.

Эске салсак, “BOOST – Өзбекстандагы жана Кыргызстандагы ишканалар жана уюмдар туруктуу негизде иштейт” аттуу долбоор КРнын Соода-өнөр жай палатасы тарабынан демилгеленген жана Европа биримдигинин жана башка донорлордун каржылык колдоосу менен ишке ашырылууда.