Ошондой эле РФнын өнөр-жай жана соода министринин орун басары болгон Алексей Груздевдин сапары бүгүн, 30-ноябрда өттү.

Анын алкагында Кыргыз Республикасынын павильонунун жетекчилиги делегацияны экспозициянын тематикасы, бөлүмдөрү жана экспонаттары менен тааныштырып,  көргөзмөгө коюлган ата мекендик продукцияны: “Аю холдинги” өндүргөн “Ала-Арча” жана “Артезиан” ашкана суусун, балдын түрлөрүн, “Рейнкетчер” компаниясынын инновациялык иштеп чыгуусун ж.б. көрсөтту.

Жолугушуунун жүрүшүндө, ошондой эле, эки өлкөнүн бизнес-коомчулугу ортосунда эки тараптуу мамилелерди өнүктүрүү аркылуу кызматташууну бекемдөө маселеси талкууланды. Аны менен катар А. В. Груздев кыргызстандык жеке ишкерлерди 2022-жылы июлда өтө турган 12-Эл аралык “Иннопром” өнөр-жай көргөзмөсүнө чакырды.

А. В. Груздевдин сапарынын жыйынтыгында Кыргыз Республикасынын павильонунун жетекчилиги РФнын павильонун 2021-жылы 14-декабрда уюштурулуучу ЭКСПО-2020 көргөзмөсүндө Кыргыз Республикасынын Улуттук күнүнө чакырды. Өз кезегинде ата мекендик павильонго Россия Федерациясы өткөргөн бардык ишкердүүлүк иш-чараларына катышуучу чакырыгы келип түштү.