Кечээ, 2022-ж. 25-январда КРнын Соода-өнөр жай палатасында ага вице-президент Роман Касымовдун Иран Республикасынын Кыргызстандагы Элчисинин Биринчи кеңешчиси Таги Ростамиян менен жолугушуусу өттү.

Анын алкагында эки тарап соода-экономикалык кызматташууну андан ары бекемдөө жана эки өлкө жеке ишкерлери үчүн шарттарды түзүү багытында ой-пикир менен алмашты.

Буга бир мисалы катары Кыргызстан жана Иран Палаталары алдында жакында түзүлгөн Биргелешкен бизнес-комитеттин потенциалы талкууланды.

Жолугушуунун өзөктүү темаларынын бири март айында Бишкекте Ирандын Соода үйүн ачуу жана Ирандын бизнес-делегациясынын Кыргызстанга келүү шарттары болуп калды.

Ал эми быйыл июнда «Kyrgyzstan – Iran 2022» мамлекеттик деңгээлдеги көргөзмө өтүшү пландалууда. Аны КРнын Соода-өнөр жай палатысынын “Кыргызэкспоборбору” уюштурмакчы.