Шейх Абдалла бен Заид Аль Нахайян Кыргыз Республикасынын Expo-2020 көргөзмөсүндөгү павильонун кечээ, 2022-ж. 7-февралда көрүп кетти.

Министр үчүн улуттук экпозиция боюнча жалпы тур өткөрүлүп, ар бир экспонаттын мааниси түшүндүрүлдү.

Шейх баштаган делегациянын өзгөчө көңүлүн кыргыз боз үйү буруп, ушул күнгө чейин аяр сакталып келе жаткан элдик мурас катары жогору бааланды.

Мындан тышкары, Нахайян өзүнүн Кыргызстанга болгон алгачкы сапарын эске салып, өлкөнүн табиятынын сулуулугуна басым жасоо менен анын туристтик багытта уникалдуу мүмкүнчүлүктөрү бар экенин белгилеп кетти.