Dubai TV телеканалынын “ЭКСПО таңкы шоу” берүүсүнүн түз эфиринде интервью 12-мартта орун алды.

 

Анын жүрүшүндө Абдилатиф Жумабаев Кыргызстан павильонунун негизги идеясы жана концепциясы, ошондой эле, өлкөнүн туристтик потенциалы, тарыхы жана каада-салты тууралуу айтып берди. 

 

Интервьюдан тышкары Dubai TVнын командасы атайын репортаж жасап, телекөрүүчүлөргө ата мекендик экспозицияны түздөн-түз көрсөттү. Кабарчылар өзгөчө көңүлдү республиканын туристтик мүмкүнчүлүктөрүнө бурду.

 

Мындан тышкары, шоу-программанын катышуучулары Бириккен Араб Эмирлиги менен Кыргызстан ортосундагы экономика жана инвестицияларды тартуу жаатында мамилелерин талкуулашты.

 

Эске салсак, буга чейин 19-январда Кыргызстан павильонун Бириккен Араб Эмирлигинин Аbu Dhabi TV мамлекеттик телеканалы жетинчи ирет тартып кеткен.