Алар Германиянын бизнес чөйрөлөрү менен байланыш түзүп, тиешелүү келишимдерди түзө алышты. Менеджерлерди даярдоо программасы 2007-жылы Евробиримдиктин Борбор Азия боюнча Стратегиясынын алкагында Берлиндеги Кыргызстандын элчилигинин өтүнүчү менен башталган. Бүгүнкү күнгө чейин Кыргызстандын ар кайсы компанияларынын үч жүздөн ашык жетекчилери стажировкадан өтүштү. Алардын арасында "Куликовский" кондитердик үйүнүн, "Тойбос", "Евразия групп" ЖЧКсынын өкүлдөрү жана башкалар бар. Ишкерлер инвестицияларды гана тартпастан, өз өндүрүшүн кеңейтүү үчүн жаңы жабдууларды да сатып алышты.

2022 – жылы менеджерлерди даярдоо программасынын жаңы форматын-катышуучуларды өз ара аралаш окутууну ишке ашыруу башталды. Бул бетме-бет жана аралыктан окутуу этаптары. Германияда бизнеске баруу жана тармакташуу негизги багыт болуп саналат. Сурамжылоолорго ылайык, немис ишкерлери менен жүргүзүлгөн ишкердик байланыштардын натыйжасында кыргыз ишкерлери 9 миллион еврого жакын суммадагы келишим түзө алышкан. Программа аркылуу мүчөлөр ылайыктуу бизнес өнөктөштөрдү табуу жана алар менен өз алдынча байланышуу мүмкүнчүлүгүнө ээ болушат. Өз мекенинде болгондо, алар жардамсыз эле немис компаниялары менен сүйлөшүүлөрдү жүргүзө алышат.

Ар бир катышуучу мүмкүн болушунча Германиядагы компаниянын профилине жана окуу максаттарына ылайык келген атайын көргөзмөгө катышууну пландаштырууда. Көргөзмөгө катышуу өнөр жай жөнүндө түшүнүк алуу, техникалык же технологиялык жаңылыктар менен таанышуу жана жаңы бизнес байланыштарын түзүү үчүн абдан маанилүү. 2022-жылы тандоо маектеринин натыйжасында программага 14 аял ишкер жана 36 эркек ишкер кабыл алынган. Практика бизнес чөйрөсүндө беш жылдык тажрыйбасы бар жана немис компаниялары менен кызматташууну өнүктүргөн ар кандай ишкер тарабынан өтүшү мүмкүн.