биз соц.тармактарда:
сайттын тилдери: кыр | рус | eng

 
_____________________________ 


_____________________________




Башкы бет » Жаңылыктар » КРнын Соода-ѳнѳр жай палатасынын жаңылыктары » Соода-өнөр жай палатасы «EXPO EURASIA - KYRGYSZTAN» Эл аралык көргөзмөсүн өткөрүп жатат


Бул көргөзмө чындап эле универсалдуу болуп саналат, ал экономиканын дээрлик бардык тармактарын, тамак-аштан баштап акыркы технологияга жана автоунааларга чейин чагылдырат.

Эдил Байсалов көргөзмөнү уюштурган Соода-өнөр жай палатасынын жетекчиси Темир Сариевге ыраазычылык билдирип, палатанын активдүү ишин белгиледи.

 «Соода-өнөр жай палатасы активдеше баштады. Кыргызстанда эле эмес, чет өлкөлөрдө да көптөгөн көргөзмөлөр өткөрүлөт. Аларга ишкерлер активдүү катышууда. Бул экономикалык-соода байланыштары түзүлүп жатканынан кабар берет”,- дейт Эдил Байсалов. 

Көргөзмө жыл сайын кеңейип, чет элдик катышуучулар, бизнес коомчулугу жана карапайым жарандар үчүн жагымдуу аянтчага айланууда. Көргөзмөгө 50дөн ашык катышуучу жана 1500 адам катышты. Бул өнүмдөрдү, жаңы даамдарды татып, жаңы технологияларды жана кызыктуу долбоорлорду көрсөтүүгө уникалдуу мүмкүнчүлүк түздү.

 «Бул жерде биз бизнести ырахат менен айкалыштырууга – биздин өнөр жай кандай өнүгүп жатканын көрүү жана ошол эле учурда эл керектөөчү товарларды сатып алуу мүмкүнчүлүгүбүз бар. Биздин негизги максат ата мекендик өндүрүштү колдоо. Көп сүйлөсө болот, бирок он жолу уккандан көрө, бир жолу көргөн жакшы”, - деп баса белгиледи Соода-өнөр жай палатасынын жетекчиси.

 Темир Сариев көргөзмөнүн жүрүшүнө ийгиликтерди каалап, көргөзмө үч күнгө созулуп, анын жыйынтыгында эң активдүү катышуучулар баалуу белектер менен сыйланаарын белгиледи.
  

  

  


Бардык маалыматтарга кайрылуу