Кыргыз тараптан жобого Соода-өнөр жай палатасынын президенти Темир Сариев, КР Президентине караштуу Улуттук агенттиктин директорунун орун басары Нурадил Баясов кол коюшту. Кытай тараптан жобого Кытайдын СУАР коммерциялык иштер башкармалыгынын директору Ли Сюань жана Кытайдын эл аралык соодасын илгерилетүү боюнча Сцинзян комитетинин төрагасы кол коюшту.

Кыргыз-Кытай ишкер кеңеши инвестициялар чөйрөсүндө өз ара аракеттенүүнү камсыз кылуучу ишкер чөйрөлөрдүн туруктуу иштөөчү координациялык-кеңешүүчү органы болуп саналат. Ишкердик ишмердүүлүктү өнүктүрүү, каржы сектору, өнөр жай, өз ара тышкы соода, энергетика, туризм ж. б. ишкерлер кеңешинин артыкчылыктуу багыттары болуп калат.