Бул өнөктөштүктүн максаты узак мөөнөттүү, натыйжалуу жана өз ара пайдалуу кызматташтыкты өнүктүрүү болуп саналат. Тараптар ишкерлерге инвесторлорду, кардарларды жана өнөктөштөрдү табууга жардам бере турган платформа түзүүнү пландаштырууда. Ошондой эле кесиптик көндүмдөрдү жогорулатуу максатында бизнес-семинарларды жана окутуу программаларын уюштуруу каралган. Кызматташтыктын алкагында көрсөтүлгөн чөйрөлөрдөгү уюмдардын ишмердүүлүгү жөнүндө маалымат алмашуу жүргүзүлөт. Биргелешкен жолугушууларды, дискуссияларды, кеңешмелерди, презентацияларды жана тегерек столдорду өткөрүү пландаштырылууда, алар эки тараптын тең өз ара кызыкчылыктарына өбөлгө түзөт. Кол коюлган меморандум Кыргызстандагы бизнес-чөйрөнүн ишмердүүлүгүн кеңейтүүгө мүмкүндүк берет.