Бишкекте «Кыргызстан-Умбрия (Италия)» бизнес-форуму болуп ѳттү. Умбриялык ишкерлердин Кыргызстанга бизнес-миссия менен келиши Италиянын Милан шаарында ѳтүп жаткан Дүйнѳлүк ЭКСПО-2015 кѳргѳзмѳсүндѳгү Кыргыз Республикасынын Улуттук павильонунун ишмердүүлүгүнүн натыйжасы десек болот. 

2015-жылдын 4-августунда Бишкекте 24 жылдан бери биринчи жолу  Кыргызстан менен Түркмѳнстан ишкерлеринин жолугушуусу болуп ѳттү. Бул иш-чарага зор маани берилет, себеби Форум эки мамлекеттин ишкерлеринин ортосундагы жаңы кызматташуунун түзүлүүсүнѳ, буга чейинки түзүлгѳн алакалардын андан ары ѳнүгүүсүнѳ демилге болот деген ишеним чоң.